31 C
Negombo
Wednesday, August 5, 2020
Home உள்நாட்டு ரஞ்சன் ராமநாயக்கவுக்கு எதிராக விசாரணைகள் ஆரம்பம்

ரஞ்சன் ராமநாயக்கவுக்கு எதிராக விசாரணைகள் ஆரம்பம்

நாடாளுமன்ற உறுப்பினர் ரஞ்சன் ராமநாயக்க கைதுசெய்யப்பட்டபோது கைப்பற்றப்பட்ட குரல் பதிவுகள், அனுமதி பத்திரமற்ற துப்பாக்கி மற்றும் தோட்டாக்கள் தொடர்பில் அரசாங்க இரசாயன பகுப்பாய்வு திணைக்களம் விசாரணைகளை ஆரம்பித்துள்ளது.

நீதிமன்ற உத்தரவை பிறப்பித்தால் நாடாளுமன்ற உறுப்பினர் ரஞ்சன் ராமநாயக்கவை குரல் பரிசோதனைக்காக தமது திணைக்களத்திற்கு அழைப்பதற்கு எதிர்பார்ப்பதாக அந்த திணைக்களத்தின் உயர் அதிகாரி ஒருவர் தெரிவித்துள்ளார்.

அந்த குரல் பதிவுகள், துப்பாக்கி மற்றும் தோட்டாக்கள் என்பன கொழும்பு குற்றத்தடுப்பு பிரிவு, கடந்த 9 ஆம் திகதி அரசாங்க இரசாயன பகுப்பாய்வு திணைக்களத்திடம் ஒப்படைத்துள்ளது.

இதற்கமைய அது குறித்த அறிக்கையை துரிதமாக எதிர்பார்ப்பதாக கொழும்பு குற்றத்தடுப்பு பிரிவின் உயர் அதிகாரி ஒருவர் தெரிவித்துள்ளார்.

ரஞ்சன் ராமநயாக்கவிடம் இருந்து அரசாங்க இரசாயன பகுப்பாய்வு திணைக்களத்திற்கு வழங்கப்பட்டுள்ள குரல் பதிவுகள், குற்றத்தடுப்பு பிரிவினாலும் அனுமதி பத்திரமற்ற துப்பாக்கி மற்றும் தோட்டாக்கள் துப்பாக்கி பிரிவின் ஊடாகவும் சோதனைக்கு உள்ளாக்கப்படுகின்றன.

குரல் பதிவுகள் குறித்த நபர்களுடையதா? என உறுதிப்படுத்துவதற்காகவும் அனுமதி பத்திரமற்ற துப்பாக்கி, குற்றச் செயல்களுக்கு பயன்படுத்தப்பட்டுள்ளதா? என விசாரணைகள் முன்னெடுக்கப்படுவதாக அரசாங்க இரசாயன பகுப்பாய்வு திணைக்களத்தின் உயர் அதிகாரி ஒருவர் தெரிவித்துள்ளார்.

இதற்கமைய குறித்த விசாரணைகளை மேற்கொண்டு, அது தொடர்பான முழுமையான அறிக்கை எதிர்வரும் 17 ஆம் திகதிக்கு முன்னர் நீதிமன்றில் சமர்ப்பிக்கப்படவுள்ளது.

அண்மையில் நாடாளுமன்ற உறுப்பினர் ரஞ்சன் ராமநாயக்கவின் மாதிவெலயில் அமைந்துள்ள வீட்டிலிருந்து மீட்கப்பட்ட குரல் பதிவுகள் அடங்கிய இறுவட்டுக்கள், மடிக்கணினி, துப்பாக்கி மற்றும் தோட்டாக்கள் தொடர்பில் முழுமையான அறிக்கையை நீதிமன்றில் சமர்ப்பிக்குமாறு உத்தரவிடப்பட்டிருந்தது.

நுகேகொடை நீதவான் எச்.யூ.கே.பெல்பொல கடந்த 8 ஆம் திகதி கொழும்பு குற்றத்தடுப்பு பிரிவிற்கு இந்த உத்தரவை பிறப்பித்திருந்தார்.

இதேவேளை, நாடாளுமன்ற உறுப்பினர் ரஞ்சன் ராமநாயக்கவை கைது செய்யவதற்கான நடவடிக்கை மேற்கொண்டபோது, காவல்துறையினரின் செயற்பாடுகள் தொடர்பில் விசாரணை மேற்கொண்டு அறிக்கை சமர்ப்பிக்குமாறு பதில் காவல்துறைமா அதிபர் சீ.டி.விக்ரமரத்ன, மேல் மாகாணத்திற்கு பொறுப்பான சிரேஸ்ட பிரதி காவல்துறைமா அதிபர் தென்னகோணுக்கு உத்தரவிட்டுள்ளார்.

- Advertisment -

Most Popular

ஒரு கோடி 63 ஆயிரம் பேர் வாக்களிக்கத் தகுதி!

இம்முறை தேர்தலில் ஒரு கோடியே 62 இலட்சத்து 63 ஆயிரத்து 885 பேர் வாக்களிப்பதற்கு தகுதி பெற்றுள்ளனர். 2019ஆம் ஆண்டுக்கான வாக்காளர் பட்டியலுக்கமையவே இம்முறை தேர்தல் நடைபெறவுள்ளதாக சுயாதீன தேர்தல்கள் ஆணைக்குழு தெரிவித்துள்ளது.

தேர்தல் ஆணைக்குழுவின் புதிய நம்பிக்கை !!! நடக்குமா ??

பொதுத் தேர்தலுக்கான வாக்குப் பதிவு நாளை புதன்கிழமை நடைபெறவுள்ள நிலையில், 80 சதவீத வாக்குப் பதிவு இம்முறை சாத்தியப்படும் என்று தேர்தல்கள் ஆணைக்குழுவின் தலைவர் மஹிந்த தேசப்பிரிய தெரிவித்துள்ளார். கொழும்பில் நேற்று திங்கட்கிழமை இடம்பெற்ற...

7 தனிப்படை அமைத்தது இந்தியா விசாரணை ;

இலங்கையில் தேடப்பட்டுவந்த நிலையில் இந்தியாவில் கொலை செய்யப்பட்டதாக கூறப்படும் அங்கொட லொக்கா குறித்து விசாரணை செய்ய 7 தனிப்படைகள் அமைக்கப்பட்டு உள்ளதாக இந்தியாவின் சி.பி.சி.ஐ.டி. தலைவர் சங்கர் தெரிவித்துள்ளார். கோவையில் இன்று அதிகாரிகளுடன் ஆலோசனை...

வாக்காளர்கள் கவனத்திற்கு!

எதிர்வரும் பொதுத் தேர்தலில் வாக்களிப்பதற்காக வருகை தரும் நபர்கள் கட்டாயம் முகக் கவசம் அணிய வேண்டும் என தேர்தல்கள் ஆணைக்குழு வலியுறுத்தியுள்ளது. தேர்தல்கள் ஆணைக்குழுவின் தலைவர் மஹிந்த தேசப்பிரிய இன்று விடுத்துள்ள விசேட அறிவிப்பிலேயே...

Recent Comments