31 C
Negombo
Saturday, April 4, 2020
Home உள்நாட்டுச் செய்திகள் விசாரணைகள் வெற்றிகரமாக இடம்பெறுவதற்கான வாய்ப்பு காணப்பட்டது...!

விசாரணைகள் வெற்றிகரமாக இடம்பெறுவதற்கான வாய்ப்பு காணப்பட்டது…!

முன்னாள் ஆளுநர் அசாத் சாலியின் அழுத்தம் இல்லாவிட்டால், மாவனெல்லையில் புத்தர் சிலைகளுக்கு சேதம் ஏற்படுத்திய சம்பவத்தின் விசாரணைகள் வெற்றிகரமாக இடம்பெறுவதற்கான வாய்ப்பு இருந்ததாக ஓய்வுபெற்ற பிரதி காவல்துறைமா அதிபர் பாலித சிறிவர்தன தெரிவித்துள்ளார்.

ஏப்ரல் 21 தாக்குதல்கள் தொடர்பில் ஆராயும் ஜனாதிபதி ஆணைக்குழுவில், நேற்றைய தினம் சாட்சியம் வழங்கிய போதே அவர் இதனைக் குறிப்பிட்டுள்ளார்.

ஏப்ரல் 21 தாக்குதல்கள் தொடர்பில் ஆராயும் ஜனாதிபதி ஆணைக்குழுவில் நேற்றைய தினம் ஓய்வு பெற்ற காவல்துறைமா அதிபர் பாலித சிறிவர்தன முதலில் சாட்சியம் வழங்கியிருந்தார்.

இதன்போது அழுத்தம் கொடுத்தாக கூறப்படும் அசாத் சாலியிடம் விசாரணைகள் மேற்கொள்ளப்பட்டதா என ஆணைக்குழுவின் அதிகாரிகள் வினவியுள்ளனர்.

இதற்கு பதில் வழங்கிய அவர், அசாத் சாலிக்கு இருந்த அரசியல் பலம் மற்றும் அரச தலைவர்களுடன் காணப்பட்ட உறவுகள் காரணமாக அதிகாரிகள் அவரிடம் விசாரணை மேற்கொள்ள தயக்கம் காட்டியதாக குறிப்பிட்டுள்ளார்.

மாவனெல்லையில் புத்தர் சிலைகளுக்கு சேதம் ஏற்படுத்திய சம்பவம் இடம்பெற்ற போது பாலித சிறிவர்தன, கேகாலைக்கு பொறுப்பான பிரதி காவல்துறைமா அதிபராக கடமையாற்றியிருந்தார்.

பின்னர் ஏப்ரல் 21 தாக்குதல்கள் தொடர்பில் ஆராயும் ஜனாதிபதி ஆணைக்குழுவில் காவல்துறை மருத்துவ சேவை பிரிவுக்கு பொறுப்பான காவல்துறை அத்தியட்சர் விக்கும் சாமிக் பிரேமசிறி சாட்சியம் வழங்கினார்.

விசாரணைகள் உரிய முறையில் மேற்கொண்டிருந்தால் கொழும்பிற்கு இடமாற்றம் வழங்கப்பட்டமை ஏன் என இதன்போது ஆணைக்குழுவின் அதிகாரிகள் கேள்வி எழுப்பினர்.

- Advertisment -

Most Popular

இலங்கைக்கு சிவப்பு எச்சரிக்கை

இலங்கையில் பல்வேறு இடங்களில் சக்திவாய்ந்த மின்னல் தாக்கம் ஏற்படலாம் என்ற சிவப்பு எச்சரிக்கையை காலநிலை அவதானத் திணைக்களம் இன்று சனிக்கிழமை விடுத்துள்ளது. சப்ரகமுவ, ஊவா மற்றும்...

32 வீத இலங்கையர்கள் வீட்டிற்குள் முடக்கம்

இலங்கையில் கொரோனா வைரஸ் தீவிரமாகப் பரவுவதை முற்றாகத் தடுக்க வேண்டுமானால் குறைந்த பட்சம் 3 மாதங்களாக நாடு முழுவதிலும் ஊரடங்குச் சட்டம் அமுல்படுத்தப்பட வேண்டும் என யோசனை முன்வைக்கப்பட்டுள்ளது.

இறுதியாக பலியான நபர் பற்றிய திடுக் தகவல்!

கொரோனா வைரஸினால் பாதிக்கப்பட்டு இறுதியாக உயிரிழந்த 44 வயது நபர் பற்றிய உண்மை தகவல் வெளியாகியுள்ளது. குறித்த நபர் 23ம் திகதி இத்தாலியில் இருந்து வந்திருந்தார்.

இலங்கையில் அதிகரிக்கும் கொரொனா உயிரிழப்புகள்- மேலும் ஒருவர் பலி

கொரோனா தொற்றினால் இலங்கையில் உயிரிழந்தோரின் எண்ணிக்கை 05 ஆக உயர்வடைந்துள்ளதாக சுகாதார சேவைகள் பணிப்பாளர் நாயகம் வைத்தியர் அனில் ஜாசிங்க தெரிவிக்கின்றார். கொரோனா தொற்றால் பாதிக்கப்பட்ட...

Recent Comments